ما فيـــــــهنش خير

يا الزروق ما فيـــــــهنش خير .... لا لطوال لا زول القصيـــــــــــر
إبراهيم قرين
ما فيـــــــــــــــــهنش طمـــعة .... شي أكيـــــــــــد غير نزوح دمعة
يا إبراهيـــم من خاطي اللمعة .... والتزويــــــــــــــق والبس الحرير
ما تغركش مـــــن برة الطلعة .... راهو الب من داخل حقيــــــــــــر
قبلك كيــف صهدني اب ولعة .... عشت أسيــــــــــر في واقع مرير
لين مرضت دبت دياب شمعة .... وبالمقلوب كافن لي الخيــــــــــــر
من هاديــــك قتلك مان صنعة .... قتلي كيــــــــــــــف لاله ما يصير
كيف السبت راهو كي الجمعة .... قتلي كيــــــــــــف زعلت القصير

ما فيـــــــــــــــــهنش غايــــة .... لا غاليــــــــــــــــك لا قبلك غلايا
غلاها شيــــــــن قلل لي هنايا .... ست أولاف فالساعة أديــــــــــــر
يــــــــــلعن بوه بو سالف تنايا .... كان غلاه بي عقب سطيـــــــــــر
يموت القلب ويــــعدي شضايا .... كان دواه في ديـــــــــــــن الحمير
ما يــــــــــلزمش لا تلزم منايا .... لا بو خد لا خزرة الطيـــــــــــــر
لا نظرات لعيــــــــون السهايا .... لا بو دور متهايــــــــــــــل غزير
إللي مدعـــــاه بي عكر صفايا .... صار بلاه يا إبراهيــــــــــــم خير

ما منـــــــــهـــــــــن مفيـــــــد .... شي أكيـــــــــد ما جيت اب جديد
ماو من تو من ماضـــــي بعيد .... أسباب طلوع يــــادم من الخيــــر
وهنا هن لي يـــــــــوم الوعيد .... الهن رفسات معلوف الشعيــــــــر
اللي ما هوش طايــــــب للهيد .... وطايــــــــــح فيد نصراني ضرير
كانك غيــــــر يا رهومة تريد .... غلاهن خود رايـــــــــــــاتي ودير
فلوس وصفت وركب فالجديد .... وحتى سماك لا يـــــــــــــمله منير
ولا سيــــــــب مدعاهن وحيد .... وعيـــــــش عفيف مرتاح الضمير
وخلي العــزم عندك من حديد .... وقسمك ليــــــــــــــك ما منه فرير

السوداني باللهجة السودانية
ما فيــــــــــــــــهن أمـــــــان .... لا يا زول من غيـــــــــــــر اللسان
بكلم فيـــــــك من واقع زمان .... قالت لي في حبك أطيــــــــــــــــــر
روح وأرجع عليــــك الأمان .... بستناك لي يومي الأخيــــــــــــــــر
جيـــــــت لهنا كنست الجنان .... غسلت الفرش وشربت المريـــــــر
لمن دبت روحــــت السودان .... فتحلي الباب ولدها الصغيــــــــــــر

الشاعر
واجديــــــــــــــــــــن يا سوداني .... كيـــفك مراض وفالمرار تعاني
خلوا المريـــسة وبرموا ع الثاني .... ومنهم الي مستقبلا السريـــــــر
واجد معارف وخوتي وجيراني .... يـــشالوا اب لوعة ناشهم تقهير
نبيـــــــك تقتنع يابو غتيت متاني .... الحاصل اف حلمك جيبله تفسير

ماعليــــــــــــــــــــش يا إبراهيم .... هكي الدنيا رايـــــــــــدة تحطيم
صوبك وما تندم تقـــــــــول قديم .... القيــــــمة العشرة مالهن تحكير
ما يــــــشغلك مدعاه جوف الريم .... يعينك الله يديـــــــــرلك تصبير
وخليك كيف ما نت ياقرين زعيم .... والدايــم المولى في غزال الدير


الزروق البريكي
22\2\1997م