مانك طالب .... ولا علم تستاهل وشكلك خارب .... كانك البس زبـــون
الطالب يــــــــــجي اب لوفايز .... وكمشة سناسل في أركانه عايــــــــز
ويــلزم السبته تكون حاجة نايز .... وضيـــــــق ولونه من قميصه قارب
ما عليـــش يا دكتور مخي بايز .... مزبك ومسكر وعقلي ضــــــــــارب
قليــل عرف ما نفهمش ولا جايز .... ليلة هداك اليــــــــــوم بايت شارب
كانك البست زبون مانك طـــالب .... ولا علـــــم تستاهل وشكلك خارب
الطالب يـــــــجي بسطايـــــــل .... يــــتمرخى اف مشية دوب لا يتمايل
ومفروض شعره ليـن كتفه سايل .... وسبيدرو أف كرعيــه كيف القارب
ويخوتم صباعه بيـش يبدا خايل .... على طول الضفار اللي تقول مخالب
ويربط سناسل كلب عايــش ضايل .... كايـــــن أمطول فالرباط وهارب
يفرق عن اخته بي نصيب صمايل .... كان مانتبهت يــــلخبطك فالغالب
كانك البست زبون مانك طــالب .... ولا علـــــم تستاهل وشكلك خارب
هاديـــــــن هن صيــــــفات .... الطلبة ولو تشبح الطاليـــــــــــــــبات
كيـــف الذكر يـــاعندها شبحات .... شكل الأنوثة من حداها هــــــــارب
ما يــنفع القط أديـــرله ريــــشات .... وعمر الحمامة ما ديـــــــر مخالب
قيــــــــسه المبدى قل دبشا وفات .... هاجر وحط الحبل فوق الغــــــارب
زاهيـــات فعيونه أوطان اخرات .... خبط لبتا ناوي خشوش مســــــارب
آسفيــــــــن يا دكتور غلط وفات .... الدنيــــــــــا مواقف والحياة تجارب
ما نحساب عرق الجيد فيسع مات .... وقعد برهم للضايعيــــــــن ملاعب
نحساب الولد يـــنهاه سر البات .... ونحساب التريس أمعقبيـــــن مخالب
أوصاف الطالب .... لبس النصارى والخيال الخارب .... يا خوان لو ريتو
1\3\1998م
ليست هناك تعليقات:
إرسال تعليق