لا فالجرايــــد لا فاليـــــــــــداعات .... حرام كيـــف ريدي ما هناك بنات
ما هنـــــــــــــاكش زيـــــــــــــــة .... خلقه وراحت نسخته لصليــــــــــة
غيــــــر الشكل واللون والشخصيــة .... تمتاز أب مزايــة واجدة وصيفات
من خايــــــــــبات اليـــوم توزن مية .... الها عقل فازت بيــــــه ع الخرات
النون نار فالمكنون شاطت فيـــة .... والجيم جمــــــرها نزح الدمعات
والواو والفت عيـني دموع سخية .... والياء يـــــابسة كبدي الها مدات
والسين سمك طالقـــــــاته فيــــة .... والضاد ضببت عندي من الياسات
والراء رمز للروفة وروفي بيــة .... والدال دربكم دونه حفر شيــنات
والميم موحكم يـا حلوة الشامية .... والعين ماي وحدة الزوز منهالات
والالف أصلك من عرب بيـــتية .... الهم في ملاحم ليــــــبيــــا صفحات
جميــــــــع داهيــــة يفهم ويسمع فيا .... يلايـــــــــــم سماها وجدها والبات
على سلوب تحلف راضعة مصريـــة .... تحيـــــــــد غمام القلب فالكربات
علي شان بوسالف أطناشر طيـــــة .... ماو عيــــــب عادي كل يوم أنبات
على نارها ونحمل جميــــعاً سيـــــة .... ماي مشكلة كميــــــن عاشق مات
بعد ما تمرمد في حيـــــــاة دونيـــة .... قعـد مثل ففـــــــــام العرب مدات
ماو فال لكن يــــا غزال الفيــــــــة .... الواجب الحي يــــحط فرضيـــات
يـــجوز نوصلك ونت ميـزال صبية .... ويـجوز نوصلك من هال هجالات
ويـــجوز نيـــــسك ونروم لعزوبية .... نجوز دموعي هان فيــــــــاضات
تستاهلي يـام الخدود نقيــــــــــــــــة .... عيــــــــشة أميـــرة وعز باشاوات
ومفروض تخدمك أحسن مراة أجنبية .... وساعة ظـهورك تطلبي حرسات
ومفروض فوق دويـــــــرتك صونية .... بيـــــــش مات ملي تابعي لحدات
وما تدرسي الا اف جامعة المانيــــة .... وما تركبي الا افخم السيــــارات
والواجب تكوني هاديـــــة ورسمية .... تشيري أشارة اب قيف مي او وات
وما تظهري للبشر يا مدعيــــــــة .... راهن عيــــــــون الناس معيـــانات
خدت سو يا فرقت هديـــــك الكية .... غلاي القديـــــــــم اللي أردم وفات
الله لا يعيــــــــــد أيــــام دارن بية .... مع بو منسع كايـــــــــــــد المسلات
علي ما شبحت وريـــــت بالميــات .... حرام كيـــف ريدي ما هناك بنات
ما هنــــــــاكش كيــــــــــــــــــفة .... سمح الطبايــــع بو ألفاض لطيــــفة
مرزي ورزاني بو أنيـــاب رهيفة .... رزية هميــــــــــل اف بعد كيلوات
صادف ولد بنداق عنده صيــــفة .... ما عمرهن خابن يــــــديـــــــه خوات
كيـــــــفه قتلني بو خدود نظيــفة .... ونقض علــــــي أوجاع منسيــــــــات
هاهن ورودي دابلة من صيـــفة .... ولي قال بالغ هاو فيــــــــــــــه أتبات
يجي حداي ويــسمي سمي الوليفة .... ويشبح عيـــوني كيــــف غرغارات
كويــــسة حنونة هاديــة وظريفة .... عيـــــــــــونها براءة ودمها شربات
مولاي لايـــــــم خاطري ونزيفة .... وشبح اف عبدك ساد م اليــــــاسات
لا فالجرايـــــــــد لا فاليــداعات .... حرام كيــــــف ريـدي ما هناك بنات
ما هنــــــــاك زويــــــــــــــلة .... سمح الميــــــــــامي بو خلاق نبيــــــلة
لا في روايــــــت الف ليـلة وليلة .... لا فالفــــــــــلام ولا اف لعــــلانات
ولا فالنصارة لا ليـــــهود مثيلة .... حداك يــــا جميلة كلهن شيـــــــــنات
مولاي ما تعيشني أنشوف عويلة .... ونشبح زهاته فيــــــــد ناس أخرات
خوف ننعمي نقعد سنيــن طويلة .... كيـــف النبي يــــعقوب م الفجعات
لا اف ليداعات .... حرام كيف ريـــدي ما هناك بنات .... لا فالجرايـــــــد
26\2\1998م
ما هنـــــــــــــاكش زيـــــــــــــــة .... خلقه وراحت نسخته لصليــــــــــة
غيــــــر الشكل واللون والشخصيــة .... تمتاز أب مزايــة واجدة وصيفات
من خايــــــــــبات اليـــوم توزن مية .... الها عقل فازت بيــــــه ع الخرات
النون نار فالمكنون شاطت فيـــة .... والجيم جمــــــرها نزح الدمعات
والواو والفت عيـني دموع سخية .... والياء يـــــابسة كبدي الها مدات
والسين سمك طالقـــــــاته فيــــة .... والضاد ضببت عندي من الياسات
والراء رمز للروفة وروفي بيــة .... والدال دربكم دونه حفر شيــنات
والميم موحكم يـا حلوة الشامية .... والعين ماي وحدة الزوز منهالات
والالف أصلك من عرب بيـــتية .... الهم في ملاحم ليــــــبيــــا صفحات
جميــــــــع داهيــــة يفهم ويسمع فيا .... يلايـــــــــــم سماها وجدها والبات
على سلوب تحلف راضعة مصريـــة .... تحيـــــــــد غمام القلب فالكربات
علي شان بوسالف أطناشر طيـــــة .... ماو عيــــــب عادي كل يوم أنبات
على نارها ونحمل جميــــعاً سيـــــة .... ماي مشكلة كميــــــن عاشق مات
بعد ما تمرمد في حيـــــــاة دونيـــة .... قعـد مثل ففـــــــــام العرب مدات
ماو فال لكن يــــا غزال الفيــــــــة .... الواجب الحي يــــحط فرضيـــات
يـــجوز نوصلك ونت ميـزال صبية .... ويـجوز نوصلك من هال هجالات
ويـــجوز نيـــــسك ونروم لعزوبية .... نجوز دموعي هان فيــــــــاضات
تستاهلي يـام الخدود نقيــــــــــــــــة .... عيــــــــشة أميـــرة وعز باشاوات
ومفروض تخدمك أحسن مراة أجنبية .... وساعة ظـهورك تطلبي حرسات
ومفروض فوق دويـــــــرتك صونية .... بيـــــــش مات ملي تابعي لحدات
وما تدرسي الا اف جامعة المانيــــة .... وما تركبي الا افخم السيــــارات
والواجب تكوني هاديـــــة ورسمية .... تشيري أشارة اب قيف مي او وات
وما تظهري للبشر يا مدعيــــــــة .... راهن عيــــــــون الناس معيـــانات
خدت سو يا فرقت هديـــــك الكية .... غلاي القديـــــــــم اللي أردم وفات
الله لا يعيــــــــــد أيــــام دارن بية .... مع بو منسع كايـــــــــــــد المسلات
علي ما شبحت وريـــــت بالميــات .... حرام كيـــف ريدي ما هناك بنات
ما هنــــــــاكش كيــــــــــــــــــفة .... سمح الطبايــــع بو ألفاض لطيــــفة
مرزي ورزاني بو أنيـــاب رهيفة .... رزية هميــــــــــل اف بعد كيلوات
صادف ولد بنداق عنده صيــــفة .... ما عمرهن خابن يــــــديـــــــه خوات
كيـــــــفه قتلني بو خدود نظيــفة .... ونقض علــــــي أوجاع منسيــــــــات
هاهن ورودي دابلة من صيـــفة .... ولي قال بالغ هاو فيــــــــــــــه أتبات
يجي حداي ويــسمي سمي الوليفة .... ويشبح عيـــوني كيــــف غرغارات
كويــــسة حنونة هاديــة وظريفة .... عيـــــــــــونها براءة ودمها شربات
مولاي لايـــــــم خاطري ونزيفة .... وشبح اف عبدك ساد م اليــــــاسات
لا فالجرايـــــــــد لا فاليــداعات .... حرام كيــــــف ريـدي ما هناك بنات
ما هنــــــــاك زويــــــــــــــلة .... سمح الميــــــــــامي بو خلاق نبيــــــلة
لا في روايــــــت الف ليـلة وليلة .... لا فالفــــــــــلام ولا اف لعــــلانات
ولا فالنصارة لا ليـــــهود مثيلة .... حداك يــــا جميلة كلهن شيـــــــــنات
مولاي ما تعيشني أنشوف عويلة .... ونشبح زهاته فيــــــــد ناس أخرات
خوف ننعمي نقعد سنيــن طويلة .... كيـــف النبي يــــعقوب م الفجعات
لا اف ليداعات .... حرام كيف ريـــدي ما هناك بنات .... لا فالجرايـــــــد
26\2\1998م
ليست هناك تعليقات:
إرسال تعليق