عقاب الليل

عقاب الليل يلفلي اوهـــــــــــــــام .... اسروح غريب ماكيفه مثيـــــــــل

شرود العقل لازمني الــــــــــزام .... لاني صاح لاني بالعليــــــــــــــل

وخلقي ضاق وعيوني جمــــــــام .... من الكميان ماقيهن يسيـــــــــــــل

يمر العام في جرت العـــــــــــــام .... ويفنى الجيل في جرت الجيـــــــل

تقول ياوطن دارولك الجــــــــــام .... وين يبوك بالطوعة تميـــــــــــــل

كاين صقر مرفوع المقــــــــــــام .... اليوم البوم جى فوقك نـــزيـــــــل

فالجولان والبيت الحــــــــــــــرام .... وفي لبنان بالمية قتيــــــــــــــــــل

للحكام مرجوع الكـــــــــــــــــلام .... اصحاب الصيت والكرسي الجليل

خودو وساد من ريش النعـــــــــام .... ميزال الوقت لابدة طويـــــــــــــل

مهناكش دم سايل للكمــــــــــــــام .... ولا مسلوب لاعيل ضليــــــــــــل

يما ًعمي يماً في ظــــــــــــــــــلام .... عليكم غام قطعوه الفتيـــــــــــــــل

هل انت بشر من دم وعظـــــــــام .... وخوك حداك متمرمد دليـــــــــــل

دون الغير ماعندا أحتـــــــــــــرام .... ليل نهار بي شاهد الويـــــــــــــــل

وميزال تقول وتعيط ســــــــــــلام .... وهو المريض بي ديره جميــــــــل

ماتلتام ماكلتك عـــــــــــــــــــــرام .... وقلبك مات والحاضر دليـــــــــــل

والدم الحار وميزات الشهـــــــــام .... والعرق الجيد والنبت الاصيـــــــل

وخشاشين ساحات اللطـــــــــــــام .... المترس عويل مترس احفاد رجيل

على شوشار طايب لصـــــــــــدام .... دلاله غير فالسوق التقــيــــــــــــل

مايظلمش لكن لو انضــــــــــــــام .... العشر اكيال مايرع الكيـــــــــــل

شوق جيوش جن ولن حطــــــــام .... اللي ما مات قلنه عليــــــــــــــــل

طارق غاض دارلكم مـــــــــــلام .... صلاح الدين ردولا الجميـــــــــل

ونتم شي واخدكم منـــــــــــــــــام .... اف غوش عطيب حاضركم هميل

مخدوعين قلنكم احــــــــــــــــلام .... تقولوا اف راي شبه المستحيــــل

لستسلام في طبع الحمـــــــــــــام .... وين يطيح ماياجد سبيـــــــــــــل

لكن هلك من ناسن اكــــــــــــرام .... ديما روس مايبدوش ديــــــــــــل

الهم تاريخ شهدله اقـــــــــــــــلام .... على الوديان كتباته الخيــــــــــل

وفالشاشات جابنه افـــــــــــــــلام .... وفالنشرات بي كل تفصيــــــــــل

بعكس اليوم غاشيكم غمـــــــــــام .... أرضيتوا اب جبن لي واقع هزيل

وستهتار وحجج وعـــــــــــــــلام .... وستنكار وعياط او وليـــــــــــــل

بلا مردود والفتوا الكـــــــــــــلام .... لا والله ما ليكم متيـــــــــــــــــــل

الا الجربوع في وان الظــــــــلام .... وين يخيم ويعتم الليـــــــــــــــــل

دابه داب نفسه والســـــــــــــــلام .... ما يهماش مصروف العويـــــــل

وفي الخيتام بندز الســـــــــــــلام .... البات خميس وحفاد الرجيــــــــل

احفاد عمر لولاكم حـــــــــــرام .... راحت ليل غطانا السيـــــــــــل


7 \4\1997م