يهديكم الله .... انتم والبخت والدنيا سواء .... البايـــــــــن خوت
راكم رايــــــــــــــــــــــــحين .... حنى من قبل مانا ناجحيـــــن
قولوا فقش راكم ساقطيـــــــن .... قبالة ليـــــــش تحكوا فالخفاء
أديــــــروا دنب وانتم عارفين .... حنى لعقول مليــــــــانا هواء
أنخشوا الدور لول عابيــــــين .... أنصفوا النص ويـــــعاون الله
الدور الثاني ننجوا اب مادتين .... الدنيـــا ختل ترقيـــــع وشقاء
كيــــــــــف الراي رانا فادين .... سنيـــــن العمر عدن فالفضاء
حتى لولاف منا هاربيــــــــن .... شهادة ميــــــــزال قالو ماخدا
شهـــــــــــــــــادة ما خــداش .... سنيــــــن العمر عدن بالبلاش
نبــــي نرتاح نرقد ع الفراش .... أنحس اب طعم في لط الغطاء
أنديـــــر عويل يبدالي معاش .... أنعيــــشوا يـــوم فالدنيا رخاء
مع بو خد كـــى ضـي لفلاش .... عيـــــون هداك سكان الخلاء
بو درعان تحت أمن القمـاش .... كيف الشمس في عز الضحى
بو ممشوط ثناته اطنـــــــاش .... يــحادي فيـه يـــلمس فالوطى
بو خزرات كى رمي الكلاش .... فيــــهن فرق عن باقي النساء
بو لهدوب كــى لون الحباش .... تحت حجب راسمهن أسطــى
البايـــــن خوت يهديـــكم الله .... أنتم والبخت والدنيـــــــا سواء
1\5\1999م
ليست هناك تعليقات:
إرسال تعليق