هذه القصيد هي حوار بين الشاعر الزروق البريكي والشاعر المرحوم إبراهيم امحمد اقرين
إبراهيم اقرين :
الدنيا كيــــــــــف صبات المطر .... تصب اف وطن والثاني تغيب
تمر اف يـــــــــوم ماتشبح كدر .... ويجي يــــــوم كل منه عطيب
تشوف اشكال من جنس البشر .... تشوف البات وتشوف الربيب
تشوف الندل بالعفنة يـــــــــكر .... وما يــــــــرتد عن فعلة العيب
وبن لجواد لو ريـــــته يــــسر .... اللي زعلان من غيـــضا يغيب
معاه شباب فــــــي ساعة الزر .... يـــــجو سباق للي فيـــه شيب
تريـــس اجواد ما يهابوا خطر .... يـــــهدو وين ما يشيط اللهيب
كسابيـــــــــن لكحيـــــــلة البر .... ام اضروع مليـــــــــــانا حليب
وسكانيـــــــن لبيــــوت الشعر .... وعمرة الزاد عنهم ما يــــغيب
وركابيـــــــن بـــــو راساً آغر .... اللي فالون من دمـــــــه قريب
حجل تلات والرابــــــــع حدر .... معاها لون كـــــى لون السبيب
الهم زيــــــنات في لوناً اشقر .... ومنهن بيــض كى لون الحليب
بهن ملتاع يــــــاخزرت الحر .... ومنهن يــــــاس تمالي صحيب
وننصـــح كل من خش البحر .... الصوب ودار في وسطه حبيب
يسيب الصوب يبعد عن الشر .... الدنيـــــا حض وقسام ونصيب
تمر اف يـــــــــوم ماتشبح كدر .... ويجي يــــــوم كل منه عطيب
تشوف اشكال من جنس البشر .... تشوف البات وتشوف الربيب
تشوف الندل بالعفنة يـــــــــكر .... وما يــــــــرتد عن فعلة العيب
وبن لجواد لو ريـــــته يــــسر .... اللي زعلان من غيـــضا يغيب
معاه شباب فــــــي ساعة الزر .... يـــــجو سباق للي فيـــه شيب
تريـــس اجواد ما يهابوا خطر .... يـــــهدو وين ما يشيط اللهيب
كسابيـــــــــن لكحيـــــــلة البر .... ام اضروع مليـــــــــــانا حليب
وسكانيـــــــن لبيــــوت الشعر .... وعمرة الزاد عنهم ما يــــغيب
وركابيـــــــن بـــــو راساً آغر .... اللي فالون من دمـــــــه قريب
حجل تلات والرابــــــــع حدر .... معاها لون كـــــى لون السبيب
الهم زيــــــنات في لوناً اشقر .... ومنهن بيــض كى لون الحليب
بهن ملتاع يــــــاخزرت الحر .... ومنهن يــــــاس تمالي صحيب
وننصـــح كل من خش البحر .... الصوب ودار في وسطه حبيب
يسيب الصوب يبعد عن الشر .... الدنيـــــا حض وقسام ونصيب
*************************
الزروق البريكي :
كلامك زيــــــــــن مامنا مضر .... يـــــــابراهيـــــم ما عداك عيب
الدنيا كيــــــــف فشفاش الوعر .... تكمش وقت واوقاتاً تسيــــــــب
مهما اطيــــــــــــر وطق القمر .... ما يـــــقسمش غير اللي نصيب
ريــــــغانا اوقات واوقاتاً حجر .... ادر الدم وتخلـــــــــــي الحليب
ساعات تكون كيف وسع البحر .... او وين اضيق ما تعرف حبيب
اديـــــر الخيـــر ويـكافوك شر .... ولد لجواد وش ماله يــــــــغيب
كم من حر قالـــــوا أهناك زر .... تنطر طاح جـــــى فوق السبيب
فــــــازع دون خــــوتا ما نكر .... دايــــــــر خيــــــر متقفي لهيب
جـــــى محدوف بـي دمه يجر .... قتله خـــــــوه بن عمــــه قريب
مثيــــــلة كتر ولا اف كل بــر .... بلا حسبان ليــــــــن أنت تريب
بشر صبح يــــــــاكل في بشر .... وعمرة الذيــــب ما ياكل الذيب
زار البيــــــــــت ودنوبه غفر .... يولي يـــــــنوض ويعاود نحيب
من بتلوم خــــــــبرنــي السر .... يابراهيــــــــم ولا اف من تعيب
كلامك زيــــــــــن مامنا مضر .... يـــــــابراهيـــــم ما عداك عيب
الدنيا كيــــــــف فشفاش الوعر .... تكمش وقت واوقاتاً تسيــــــــب
مهما اطيــــــــــــر وطق القمر .... ما يـــــقسمش غير اللي نصيب
ريــــــغانا اوقات واوقاتاً حجر .... ادر الدم وتخلـــــــــــي الحليب
ساعات تكون كيف وسع البحر .... او وين اضيق ما تعرف حبيب
اديـــــر الخيـــر ويـكافوك شر .... ولد لجواد وش ماله يــــــــغيب
كم من حر قالـــــوا أهناك زر .... تنطر طاح جـــــى فوق السبيب
فــــــازع دون خــــوتا ما نكر .... دايــــــــر خيــــــر متقفي لهيب
جـــــى محدوف بـي دمه يجر .... قتله خـــــــوه بن عمــــه قريب
مثيــــــلة كتر ولا اف كل بــر .... بلا حسبان ليــــــــن أنت تريب
بشر صبح يــــــــاكل في بشر .... وعمرة الذيــــب ما ياكل الذيب
زار البيــــــــــت ودنوبه غفر .... يولي يـــــــنوض ويعاود نحيب
من بتلوم خــــــــبرنــي السر .... يابراهيــــــــم ولا اف من تعيب
***************************
إبراهيم اقرين :
ما بلوم لالا يـــــــــــــــــاولد .... ولا ع الناس نى عندي مـلام
مغيـــــر انحيد فغشاش ونكد .... دالن بي من عكس ليــــــــام
اسمع زيــــــــن وفهم هالرد .... ارد عليــــــك من باب احترام
يــــــا الزروق فعزومك تشد .... راك تسيـــــــل من بعد الفهام
وحسب كم يـــــــاساتي وعد .... أيــــاماً سود وسود م الظلام
اول يـــــــــاس فللي من لهد .... يديـــــــر فيــــه سيدة بالجام
امرض يوميـن والتالت امتد .... عليــــــه العين ما كفت جمام
وثاني ياس في سمحت الخد .... اللــــي فالصوب دارتلي ندام
اللي فالجوف دارتلي هـــرد .... امطعن كيـــف طعنات السهام
كرهت الصوب راني يــاولد .... الصوب الصح ردمنه أيــــــام
وننهي القول بتوحيــد لاحد .... و ع المبعوت تصليتي وسلام
مغيـــــر انحيد فغشاش ونكد .... دالن بي من عكس ليــــــــام
اسمع زيــــــــن وفهم هالرد .... ارد عليــــــك من باب احترام
يــــــا الزروق فعزومك تشد .... راك تسيـــــــل من بعد الفهام
وحسب كم يـــــــاساتي وعد .... أيــــاماً سود وسود م الظلام
اول يـــــــــاس فللي من لهد .... يديـــــــر فيــــه سيدة بالجام
امرض يوميـن والتالت امتد .... عليــــــه العين ما كفت جمام
وثاني ياس في سمحت الخد .... اللــــي فالصوب دارتلي ندام
اللي فالجوف دارتلي هـــرد .... امطعن كيـــف طعنات السهام
كرهت الصوب راني يــاولد .... الصوب الصح ردمنه أيــــــام
وننهي القول بتوحيــد لاحد .... و ع المبعوت تصليتي وسلام
20\12\1995م
ليست هناك تعليقات:
إرسال تعليق