ينفع بيك

ينفع بيك .... شوارعي ونفس الطبع فيه وفيك .... يستاهلك يا منـــاي

أمـــــتـــــــــــع سطايـــــــــــــــــل .... زيــــك ودبشه فوق منه خايــــل
ونى يا منــاي الوقت عندي ما يــل .... شن جابني شورك أنزاحم فيـــك
ظالم شهادة يا عيـــــــــــون الجايل .... لانا البعضنا لا انليــــــــق عليك
دايـــب وميـــــت من زمان أنحايل .... نشبح ونيــــتي من بعيـــد أنجيك
قاتلاتني عندك عيـــــــــــون دبايل .... ودورك مغطي منظرك كاسيــك
وجوفك مكرب ما حداه مثايــــــــل .... ضابط أمعبي سبته فوشيــــــــك
وخدك يــــــــشكع شمس عز قوايل .... صفرة تلجي كيـــف ضي البيك
لا نك السمرة يا حزام الضايـــــــل .... ولانك الحمرة المقرفة هاديــــك
وطولك مدوب كبدتي وعلايــــــــل .... الخاطر دواهن ران بيـــن يديك
هدين هن سبايب ليش موحي طايل .... لو القيــــتهن في غيــرك أنخليك

يـــــــــستاهلك يا مناي يــــنفع بيك .... شوارعي ونفس الطبع فيه وفيك

يـــــــــــــا عيـــــــــــــــون الصقر .... أنت زاهيـــــــــا وانا أيامي غبـر
ونت تبي واحد عيـــــــــونه خضر .... وشقر يزازي بيــــــــــك ويسليك
يــــــعد في فلوسه بالربط والغــمر .... بيـــــــش يبسطك مزبوط ويهنيك
ونى امنيـــــلي يم الخــــدود الصفر .... كان غيــــر عندي ماو واجد فيك
قولي الباتك فاتحيــــــــــه اف لمر .... يسلفني سواء نقدي سواء بي شيك
أنعيـــــشوا شراكة في سنيـن العمر .... الحنان مني والفلـــــــــوس عليك
وخليــــــــك ماللـي تقول ناشه كبر .... مرخي وسلسلته تخيــــــــل عليك
حق النبي الشريـــف كيـــــف الفقر .... بعد وقت لاونه أضحك عليــــــك

يـــــــستاهلك يا مناي يـــــنفع بيك .... شوارعي ونفس الطبع فيـــه وفيك

يا حـــــــــــــزام الخيــــــــــــــــل .... انتم العبوا وانا أنموت عليـــــــــل
أنكمل نهاري نقرنه فالليــــــــــــل .... نحيــــــــب او أنبطل ماللوم عليك
عارفك بعيـــــــدة وماهناك سبيـل .... أنطول القمر وما انطول يــــــديك
الفرق بيــــــنا يا مناي راو طويـل .... بعد السمى ع الأرض نشبح فيــك
ماو كبر في عقلك وماو دليــــــــل .... شخصيتك ولاي ميزة جميلة فيك
لكن اب لونك فايــــــــزة ع الجيل .... ونصيـــب رزق دنيا ربنا عاطيك
مدللة وانا الحـــــــــال قليــــــــــل .... عدي اف شورك ربنا يــــــــهنيك
يــــــــستاهلك يا مناي يـــنفع بيك .... شوارعي ونفس الطبع فيه وفيك


25\3\1998م