الله الله يــــــــــــا عمي علي .... أنت اف كوم والدنيـــا اف كوم
القول نبيـــــــــــه للقايد يجي .... ويفخر بيـــــــــــك قدام العموم
تكـــــون المثل للجندي الوفي .... اللي مضمون في وقت اللزوم
يـــــخش السوق دخانه أعلي .... يفك الديـــــــن من حوزة القوم
معاك الوطن ميــــزانه أغلي .... وفيــك الروح ما تسواش سوم
عشت العمر بي طوله قـــوي .... على مبداك ما ســــــاعة تقوم
خدمت الوطن بي خاطر نقي .... ونية كيـــــــــف هبات النسوم
وراك القلب دقانه أعــــــــلي .... لا يـــــرتاح لا يـــــشبح النوم
ودمع العيــــــن خرانه أرقي .... وخلقي ضـــــاق والتمن هموم
وطيـــــفك صار فالرية بدي .... فالوجدان رسمنه رســــــــــوم
منين هديـــــــن يا عمي علي .... اللزام عليـــــك تدفعهن رسوم
هكي ليــــــــام ماو دايم غني .... ولا الفقيـــــــر راعنه اف يوم
ولا الصغير عن بومه أخطي .... ولا الكبيـــــــر عن أجله يدوم
منيـــــن البطل يقعد دوم حي .... اف وسط الجوف كلماته تعوم
كيـــــف البدر عالي فالسمى .... ينيــــر الدرب يغني ع النجوم
رجاية فيـــــك يا ربي العلي .... تحيـــــد غشاش وتسحي غيوم
تجيــب الصبر بي جاه النبي .... وفالفردوس تجعـــــــــله قدوم
7\4\1997م
ليست هناك تعليقات:
إرسال تعليق