المجرودة 2

مرحب يازيـنة .... ليــــك ولي غيـــــــرك شاكيــــنا
ابما صاير فيـنا .... نشكــــــــــوا للخاص ولعمــــوم

قتله يا سيــــدي .... ما نصبرش بلاها ريـــــــــــدي
كاتر تبديـــــدي .... للدمعة هـــذاك اليــــــــــــــــوم

قتله يـــــا خالي .... ما نصبــــــرش بلاه الغــــــالي
دمعي شتـــوالي .... نيـــــــــــران أداعن فهجـــــوم

قتله يــــــا جدي .... الغيــــــــــره ما نقدرش انعدي
نى كايـــن ودي .... قسميــــــــــــــته حاتم محتـــوم

قلتلها يــــــا مي .... لي ولد الخال وبن عمــــــــــي
يجريي في دمي .... صوبا بو سالف مصــــــــروم

قلتلهم يــــــــاما .... غاب وخلى معاي غمــــــــامة
ظـــــــلت قداما .... خـــــــلاتا اف ناسه مدمــــــوم

عالـــي فالعالـي .... مدعى بو نيــــــــــــبان مجالي
حالف لا والــي .... يـــــــــــطولا الا كانش مردوم

ما يــــطوله حد .... غلاء بو دور يميـــــــــح أسود
عقلــــــي واخد .... خيــــــــــــاله فالخاطر مرسوم

جـوف الفدفادي .... ربت ناس صقـــــــور عوادي
سكنوا في وادي .... هلها ما فيـــــــــــــــهم محكوم

ما منهــم راعي .... رباط خيـــــــــــول ولا ساعي
اللي فيهم واعي .... يــــهني فاليــــــــــوم المزحوم

زحمـوا فرسانة .... واطـــــــــى فالعربــــان مكانه
دودا وحيـــرانا .... ابو ماضــــــــي وحلقة موسوم

العربان مكانــة .... جعافرة وقماطة جيـــــــــــرانة
شيــــــبا وشبانا .... هلها عداديــــــــــــــن اللـــــوم

عنوي ابريــكية .... هلها جـــــود عرب بيـــــــــتية
لا يديـــروا سية .... لا يــــرضوا ضيـــــم المظلوم

عنوي ابريـــكية .... بالواضح ماي غمليــــــــــــنية
ولاي مصبـاحية .... من عيــــــــــث علي بالمفهوم

جــــى بالتعريف .... غلايــــــــــــا صنفته تصنيف
وطـق التوصيف .... الجـــــده ركاب المقيـــــــــوم

كساب أكحيــــلة .... جده مولـــى العيــــــــن كحيلة
زيــــن امفاعيلا .... اللـــــي حنكا اب وشمة مختوم

مختوم اب وشمة .... اللي زيـــن مولاي اف رسمة
مليـوع اب بسمة .... من مضحك ضاوي الخرطوم



5\9\1996م