الاثنين، 15 سبتمبر 2008

المجرودة 1

زواق أضفــــارة .... مرحب ياسفاي اخمـــارة
جيتي فصــــدارة .... دكرتيه اب لوعة نــــــارة
عيني صبـــــارة .... قبلك ياغرغاز أنظـــــــارة
تمت منـــــــهارة .... تدرف دمعتها تجـــــــــارة
تنهف ابحـــرارة .... تدرف جابت سابع جـــتارة
أتنوح اب مرارة .... عللي منحازات اديـــــــارة
جوف المضمارة .... لون ادراعة كيف اصوارة
خد الماجــــــارة .... وصف الريم هميل القــارة
عديه تــــــــوارة .... والفتيه سنين ومــــــــــات

ياعــــــــين أنســــــــــــيه .... وديري روحك ماريــــــتيه
ولاغالا لا غاليـــــــــــتيه .... لاعمرك يوم طريتـــــــــيه
على فمك لا كنتي أتجـــيه .... لاقيــل لاعندك بــــــــــات

لاقيل لا بات معـــــــــــاك .... وعيشي كيف الله عطــــاك
مكاتيب العالي مـــــــولاك .... جرانين عدايا وعــــــــداك
سنين ويبدن دكرايــــــــات

سنين ويبدالك تدكـــــــــــار .... الخايل بو ممشوط غمــــار
خدى سوك يعني شن صـار .... كنيني خليتيه دمــــــــــــار
أنت وريدك سمح الصيفات

انت وريدك بو دور ثنــاوي .... مايح فوق الجوف الخـاوي
غيره ماعندكش حكــــــاوي .... خلى نوم عيوني شـــــاوي
ديما دمعتهن فـــــــــــلات

ديما دمعتـــــهن بـــــــــدادة .... يبكن لين ملن لوســــــــادة
نص الليل خطر ميـــــــلادة .... نضبح يافلان بــــــلا رادة
انصبي في عز الغـــــفوات

انجي امصبي في عز منامي .... يا خزرات عيون الــدامي
شوق علايل منك كــــــــامي .... عوقتيني فيك اميــــــــامي
سود اكبار ومنهلعـــــــات
سود ونضرتهن عــــــواقة .... كيف الحنضل مر مـضاقة
صوبك ياغرغاز ارمـــاقة .... وصف اللي صادف بنداقة
هامل فوطان عفيــــــــــات

وصف اللي فوطانه هـامل .... لا نشكر لا فيك أنجـــــامل
دكرانك فمي ماو حـــــامل .... نشبح فيك بنادم كــــــــامل
ما شديت عليك أثبـــــــات

ما شديت عليك جنـــــــية .... اب عيني ريتك درتي سـية
امكدب يم خدود نقيـــــــة .... لين الغامك ناضن فــــــــية
نوضت خالد ع الســـــادات

لين الغامك فية نـــــاضن .... خشن لعظامي وشــــــاضن
كيف السيل عيوني فاضن .... لاينتصحن لا يتــــــراضن
لا صبرن لايوم تغــاضن .... ينعن كيف القزونــــــــات

ينعن يبكن يالاطـــــــيف .... ملايكتك والدم خفــــــــــيف
الحاصل يم الناب رهيف .... أتخفي بو سابع حجــــــــات

بو سابع حجات اتخـــفي .... راس امك ياعيني كـــــــفي
ما بيجيك عليش أتـــرفي .... خايف بعد زمان أتجـــــفي
مانلقوا عندك دمعــــــــــات

خايف ياعيني تنضـــري .... تمشي لوهاما تنجــــــــري
ريتي اب روحك ماتوري .... مابا يقسملك تنســــــــري
لا بيتي تنسي اللي فــــات

لابيتي مشكاك اتهــــوني .... ناسي ياعيني لامــــــوني
قالت قوللهم هنــــــــوني .... لو يشحوا ريدي بعيـــوني
مامن تايب يامضنـــوني .... يسكر يدمن ع البـــــارات

مامن عاقل ينســــــا دينا .... لكن يا عيني الحــــــــزينا
طيحت ريدك طيحة شينا .... ودينك ماهو قاسم لــــــينا
لو حتى قرنين بكـــــــــينا .... وجردت من طبرق لي غات

جردت من طبرق لمساعد .... بختك عمره ما يتقــــــــــعد
عدي من بكاك تبــــــــاعد .... راجل فوق العشريـــــــنات

راجل كيفه ما يكســــــابوا .... ناسه من ليهود أغــــــلابوا
نابا خوتا ما أستجـــــــابوا .... يبكي والفزاعة غـــــــــابوا
فيهم عرق الفزعة مـــــات

فيهم عرق الخير تــــوفى .... مامن بنت انهان شـــــــرفا
دمر شوق اديار نســــــفا .... بالراجم والدبابـــــــــــــات

بالراجم والبي ام بــــــي .... خسارة يم الدور أســـــــفي
على مينتنا قولي حـــــى .... أخويك غاب ضميره الحي
ايشتي تحت الدفايـــــــــات

يشتي ومينتنا منــــــدلة .... تاعب يحرت عاما كـــــــلة
وسرائيل اتلم الغــــــلة .... وهو راضي زايط يســــــلة
يهيتك غير اف ليداعـــــــات

يهيتك يحتج ويستنــــكر .... لاخمم لا عمره فـــــــــــكر
مامن جامع بابا ســــكر .... رقصن فيه الهيزوعــــــات

سكر ووقاته ممنــــوعة .... والراجل كبده ملـــــــيوعة
اب باته والدته مفجوعة .... ماتت ما لحقتش اســـبوعة
وخوتا وسط الزنزانـــــات

خوتا دالتهم زنـــــزانة .... وخته تضمر جيعـــــــــــانة
في طعم الخبزة شوفانة .... سكنت في ركن الجبـــــانة
حاطن بيها براكـــــــــــات

ما حاطو بيها جيــــــران .... صدره متغلين مليــــــــان
القي مامن ضابط سكران .... اف حفلت ليل مع النسوان
يميتخ داير سهرايــــــات

يميتخ مبسوط وشبعـــــان .... امغيب بالوسكي رويـــان
تحلط بارود ورمـــــــــان .... لبد تحت أحيوط الجيـران
أدرق لين المغرب فـــات

ادرق لين الموعد حـــــان .... اركب فيهم راحوا طشان
ظهر فيسع يجري دهشان .... تلقاه يهودي سهــــــــران
أستحرك بللي حوحايـات

أستحرك باللي دارن دوشة .... خطرها دبال ارمــــوشه
عني وين تبعد حــــــــوشة .... حط عليه الياس اجيوشة
اليوم ادياره منحــــازات

سيلي زين بلاش العبرة .... مرهون وجرحة ما يبرة


الطير 2000م

ليست هناك تعليقات: