انموت نى عزابي

حالف يميــــن أنموت نى عزابي .... لو ماقسم مولــــــــى لهدوب مصابي

حالف يميـــــــــــــــــــــن أنموت .... لو ما قسم للعيــــــــن جوف الكوت
عزابي بلا واشون عمري يــفوت .... أنديـــــر عزم ع النسوان نقفل بابي
أنكف سيـل دمعي وينهمر مفلوت .... قيــــــــــس لبكي تمرة سنين عذابي
وعذاب المرة اللي قاتلتني مـــوت .... مضحكها تصيـــش والخدود معابي
وشفايف يجيبن من عصير التوت .... علي جسم ينفع بيـــــه دور أرهابي
زعيــــــم حرب عنده فالبلاد نفود .... أب قو لهجته عارف علي من عابي
فيده جواسر ديـــــــــــــنهم بارود .... نهار سعدهم يـــوم الرصاص ينابي
زاد ناسها ناس الكرم والجــــــود .... ناس عافيـــــة وفالمكربات مصابي
كيف هلك يقفوا فاليــــــــام السود .... تفخر منيـــــــــــن تقول هام أنسابي

حالف يميـــن أنموت نى عزابي .... لو ماقسم مولى لهدوب مصـــــــابي

حالف أنموت وحيــــــــــــــــــد لو ما قسم مولى الغتيـــــــــــت نضيد
أنحرم علي الفرح يوم العيــــــد .... مادام الشكل واليــــــــــاس دابه دابي
تلفوه عني يا خوان بعيـــــــــــد .... أمنكد علي اف قعتي وغيــــــــــــابي
وين ما نخمم في غرام جديـــــد .... ســـــــواء كان من جدي سواء كدابي
ينقر عليه يطيره من ليـــــــــــد .... نهارا السعيــــــــد وفرحتا اف عذابي
زعم يا رقيوة ياحزام الجيـــــــد .... تزيـــــــــدي علي أتعاب فوق أتعابي
قولي الناسكم والبوك بالتحديـــد .... راني غني بالشيـــــــــــب قبل شبابي
وراني مريض وسادني تشريــد .... وراني أنداري اف دنيــــتي بعصابي
وراني عييت ومالقيت سنيــــــد .... والموت والحيـــاة واحد بدن فحسابي

قوليـــــــــــــــــــــلهم نبيــــــــه .... وحلفيـــــــــــــلهم ما نكون لي خاطيه
وقوليلهم طيب وماو سفيــــــــه .... قوليـــــــــلهم دهبلي شيرتي وصوابي
قوليلهم ني قبل عادي بيـــــــــه .... يبيـــــــــــني وما غيره أنضن يشقابي
المهم أقنعيهم يا رقيوة بيــــــــه .... بيـــــــــــــــــن طريقة طلعيني يجابي
رانك تقولي مايلات عليـــــــــه .... ليـــــــــام والشكالة من أعز أصحابي
ورانك تقولي الياس دايل بيــــه .... والهم والتعاسة والعذاب أحبـــــــــابي
ورانك تقولي السعد خاط عليــه .... وشيــــــــــــخ الغباين وسط بيتا كابي
حتى كان ريتي عيب باين فيـــه .... انت أسكتي داري عليـــــــــه وغابي

داري عليـــــــــــــــــــــه وخبي .... الله يسترك يام الغتيـــــــــت أمجبي
حزام الحموق اللي نهـــار يشبي .... ناوي صفات حساب يـــوم عطابي
طايب علي جبد الصروع يصبي .... يفز يطيــــــــر من نخص الركابي
لو ما قسم للعيــــــــن يشهد ربي .... ما يـــــــلومني لايم علي شن عابي
راني بري من دنبكم يــــــا حبي .... ناسك وناسي وعيــــــــلتي وشيابي

حالف يميـــن أنموت نى عزابي .... لو ماقسم مــــولى لهدوب مصابي


26\1\1998م